سِيمَةُ الأَخْيَار

الشطر الأول	الشطر الثاني
يا نجع ما هوّنت راي لشايب	ويا نجع ما كبّرت يوم احوار
تبويعتك لهلة كل لافي غايب	تشهد عليها كل رمة دار
يا نجع تذبح م اللذيذ الطايب	يا نجع لا ما حذاك جايع جار
يا نجع عن فعل الرديه تايب	يا نجع بسماح الفعايل بار
يا نجع لمة هلك فيك اتهايب	في كل ذيل ايريد فيك دمار
يا نجع لا كشّرت قول كتايب	عالنه احروب وقتل واستنفار
يا نجع تهلب في كلام الخايب	يا نجع لا ما حاد بيك مسار
يا نجع لا ام التوم لا ام جنايب	تصبح غفود ولا خلوج عشار
يا نجع جود الجود منك جايب	سيمته علي مر الازمان اخيار
يا نجع خلّك من زفيّ العايب	القايل البوم انه سليم مطار
مشايخ ابطون وف العقول ذهايب	يحاحو لقطا قالو طيور حرار
وياما احملنا م الزمان غرايب	برم وقتنا والحبل ع الجرار
يا نجع ديما كيف لون الرايب	جهيمك اتقول انه عقاب اغرار